తెలంగాణ రాష్ట్రంలో ప్రతి రోజు కేసుల సంఖ్య విపరీతంగా పెరుగుతూ వస్తుండగా..ఆదివారం కాస్త తగ్గుముఖం పట్టి ప్రజలకు కాస్త ఊరట కలిగించాయి. ఆదివారం 9,443 మందికి కరోనా ప‌రీక్ష‌లు నిర్వ‌హించ‌గా, 983 మంది పాజిటివ్‌లుగా నిర్ధార‌ణ అయ్యారు. దీంతో తెలంగాణ‌లో మొత్తం కరోనా కేసులు 67,660కు చేరాయి.
ఇందులో 48,609 మంది కోలుకోగా, 18,500 కేసులు యాక్టివ్‌గా ఉన్నాయి. ఇందులో 11,911 మంది బాధితులు ఐసోలేష‌న్‌లో చికిత్స పొందుతున్నారు. క‌రోనాతో నిన్న కొత్తగా 11 మంది మృతిచెందారు. దీంతో రాష్ట్రంలో వైర‌స్ వ‌ల్ల ఇప్ప‌టివ‌ర‌కు 551 మంది మృతిచెందారు.
