ప్రపంచ వ్యాప్తంగా కరోనా ఉదృతి నడుస్తుంది. ప్రతి రోజు లక్షల సంఖ్యలో కొత్త కేసులు నమోదు అవుతున్నాయి. తాజాగా సౌతాఫ్రికా మహిళా క్రికెట్‌ జట్టు బృందంలో ముగ్గురికి కరోనా సోకినట్లు తేలింది. క్రికెటర్లు, సహాయక సిబ్బందికి కరోనా పరీక్షలు నిర్వహించగా ముగ్గురికి కరోనా పాజిటివ్‌గా నిర్ధారణ అయిందని క్రికెట్‌ సౌతాఫ్రికా(సీఎస్‌ఏ) వెల్లడించింది.
ఇందులో సహాయ సిబ్బంది ఒకరు ఉన్నారు. ‘ముగ్గురికి కరోనా పాజిటివ్‌గా తేలింది. పాజిటివ్‌గా తేలిన ముగ్గురు 10 రోజుల పాటు హోం క్వారంటైన్‌లో ఉంటారు. శిక్షణ శిబిరానికి దూరంగా ఉంటారు. ముగ్గురిలోనూ కరోనా లక్షణాలు స్వల్పంగానే ఉన్నాయి. సీఎస్‌ఏ మెడికల్ టీమ్‌ వీరిని పర్యవేక్షిస్తుందని’ సీఎస్‌ఏ పేర్కొంది.
