నార్త్ లో సూపర్ హిట్ అయినా బిగ్ బాస్ షో..సౌత్ లో కూడా అన్ని భాషల్లో సూపర్ హిట్ అయ్యింది. ఇప్పటికే మూడు సీజన్ లు పూర్తి చేసుకున్న ఈ షో త్వరలో నాల్గో షో మొదలుకానుంది. రీసెంట్ గా ఈ సీజన్ కు సంబందించిన కామింగ్ సూన్ ప్రోమో కూడా రిలీజ్ చేసి ఆసక్తి పెంచారు.
ప్రస్తుతం దేశ వ్యాప్తంగా క‌రోనా కేసుల తీవ్ర‌త పెరుగుతున్న నేప‌థ్యంలో ఈ సారి బిగ్ బాస్ షో కోసం నిర్వాహ‌కులు చాలా జాగ్ర‌త్త‌లు తీసుకుంటున్నారు. బిగ్ బాస్ సెట్ ను ఇన్ ఫెక్ష‌న్ ర‌హితంగా చేసేలా ప్ర‌తీ గంట‌కోసారి క్లీన్ చేయ‌నున్నార‌ట.
షో కోసం ప‌నిచేసే సిబ్బందికి పీపీఈ కిట్స్ ధ‌రించేలా..ప్ర‌తీ ఒక్క‌రి శ‌రీర ఉష్ణోగ్ర‌త‌లు ఎప్ప‌టిక‌పుడు ప‌ర్య‌వేక్షించేలా ఏర్పాట్లు చేస్తున్నార‌ట. మ‌రోవైపు నాగార్జున 60 ఏండ్ల వ‌య‌స్సు దాట‌డంతో మ‌రింత జాగ్ర‌త్త చ‌ర్య‌ల‌ను తీసుకుంటున్నారు. సిబ్బంది షూటింగ్ టైంలో నాగార్జున‌కు ద‌గ్గ‌ర‌గా రాకుండా చూసుకోవ‌డమే కాకుండా..ప్ర‌త్యేకంగా మేక‌ప్ మెన్ ను, ఓ డాక్ల‌ర్ ను కూడా పెట్టార‌ట.
