రాష్ట్ర ఐటీ, మున్సిపల్‌ శాఖ మంత్రి కల్వకుంట్ల తారకరామరావు పుట్టిన రోజు ఈరోజు. ఈ సందర్బంగా సినీ , రాజకీయ , క్రీడా , బిజినెస్, అభిమానులు , పార్టీ కార్య కర్తలు ఇలా ప్రతి ఒక్కరు పెద్ద ఎత్తున పుట్టిన రోజు శుభాకాంక్షలు తెలుపుతూ తమ అభిమానాన్ని చాటుకుంటున్నారు.
మంత్రి కేటీఆర్‌కు ఆర్థిక శాఖ మంత్రి హరీష్‌రావు ట్విట్టర్‌ వేదికగా జన్మదిన శుభాకాంక్షలు తెలిపారు. కేటీఆర్ ఆయురారోగ్యాలతో, సుంపన్నంగా జీవించాలని కోరుకుంటున్నట్టు హరీష్‌రావు ట్వీట్ చేశారు.
మంత్రి శ్రీనివాస్‌గౌడ్‌ కూడా ట్విట్టర్‌ ద్వారా కేటీఆర్‌కు జన్మదిన శుభాకాంక్షలు తెలిపారు. కేటీఆర్ దూరదృష్టి తెలంగాణ ఉన్నత స్థాయికి ఎదిగేందుకు సహాయపడిందని ఆయన పేర్కొన్నారు. ఆయురారోగ్యాలతో, మరిన్ని విజయాలు సాధించాలని ఆ దేవుణ్ణి ప్రార్థిస్తున్నట్లు శ్రీనివాస్‌గౌడ్‌ ట్వీట్ చేశారు.
రాజ్యసభ సభ్యడు జోగినపల్లి సంతోష్‌ ట్విటర్‌ వేదికగా జన్మదిన శుభాకాంక్షలు తెలిపారు. ‘హ్యాపీ బర్త్‌డే అన్నయ్య. మరెన్నో ఏండ్లు ప్రజాసేవలో కొనసాగాలి. మరిన్ని పెద్ద పదవులను చేపట్టాలి. మమ్మల్ని ప్రోత్సహిస్తూనే ఉండాలి. మీరొక ఐకాన్‌. సమకాలీన రాజకీయాల్లో రెండో స్థానానికి నా సోదరుడు తప్ప మరెవరూ సాటిరారని చెప్పడానికి గర్వంగా ఉంది. చిన్నప్పుడు నీతో గడిపిన రోజులు మధురమైన జ్ఞాపకాలు’ అని సంతోష్‌ పేర్కొన్నారు. ఈ సందర్భంగా కేటీఆర్‌తో దిగిన చిన్ననాటి ఫొటోను సోషల్‌ మీడియాతో పంచుకున్నారు.
అలాగే టాలీవుడ్‌ మెగాస్టార్‌ చిరంజీవి సైతం ‘జన్మదిన శుభాకాంక్షలు డియర్‌ తారక్‌. ప్రజలకు సేవ చేయడానికి మరింత శక్తితో ముందుకు సాగాలి’ అంటూ తన సోషల్‌ మీడియా ఖాతాలో పోస్ట్‌ చేశారు.
‘యుద్ధం తెలిసిన యువరాజు మెలకువలతో ముందుకు పోతున్న మహారాజు అన్న శ్రీ కేటీఆర్ గారికి హృదయపూర్వక జన్మదిన శుభాకాంక్షలు’’ అని బండ్ల గణేష్ ట్వీట్ చేయగా.. కేటీఆర్ ధన్యవాదాలు తెలిపారు.
