గత మూడు నెలలుగా లాక్ డౌన్ కారణంగా సినిమా షూటింగ్ లు బంద్ అయ్యాయి. రీసెంట్ గా ప్రభుత్వం షూటింగ్ లకు అనుమతి ఇవ్వడం తో సీరియళ్లు , చిన్న చిన్న సినిమా షూటింగ్ లు మొదలుపెట్టారు. ఈ నేపథ్యంలో హీరో నాగ శౌర్య సైతం తన కొత్త సినిమా షూటింగ్ లో జాయిన్ కావాలని చూస్తున్నాడు .
సంతోష్ జాగర్లమూడి దర్శకత్వంలో నాగశౌర్య ఓ సినిమా చేయనున్నాడు. స్పోర్ట్స్ బేస్డ్ సినిమా అది. విలువిద్య నేపథ్యంలో రూపొందుతోన్న ఆ సినిమాలో నాగశౌర్య ప్రొఫెషనల్ ఆర్చర్ కనిపించనున్నాడు. ఆగస్టులో ఈ సినిమా షూటింగ్ స్టార్ట్ చేయనున్నారని సమాచారం. ఈ సినిమాను శరత్ మరార్, నారాయణ దాస్ నారంగ్, రామ్మోహన్ రావు నిర్మిస్తున్నారు
