రాజ్యసభకు కొత్తగా ఎన్నికైన సభ్యులతో ఆ సభ ఛైర్మన్‌ వెంకయ్య నాయుడు ఈ రోజు ప్రమాణ స్వీకారం చేయించారు. ఏపీ నుంచి ఎన్నికైన వైసీపీ సభ్యులు ఆళ్ల అయోధ్య రామిరెడ్డి హిందీలో ప్రమాణ స్వీకారం చేయగా, పిల్లి సుభాష్‌ చంద్రబోస్‌, మోపిదేవి వెంకట రమణారావు తెలుగులో ప్రమాణం చేశారు.

మరో సభ్యుడు పరిమళ్‌ నత్వానీ పలు కారణాల వల్ల ఈ రోజు ఈ కార్యక్రమానికి హాజరు కాలేకపోయారు. ఆయన  మరో రోజు ప్రమాణ స్వీకారం చేయనున్నారు. ఇటీవల జరిగిన రాజ్యసభ ఎన్నికల్లో  20 రాష్ట్రాల నుంచి మొత్తం 61 మంది సభ్యులు ఎన్నికైన విషయం తెలిసిందే.