లాక్ డౌన్ వేళ అగ్ర దర్శకులంతా ఓటిటి లో సినిమాలు చేస్తూ ప్రేక్షకులను అలరిస్తున్నారు. ఈ నేపథ్యంలో లెజెండ్ డైరెక్టర్ మణిరత్నం సైతం నవరస పేరుతో 9 ఎపిసోడ్స్ తో కూడిన వెబ్ సిరిస్ చేస్తున్నాడు. ఇందులో ప్రతి ఎపిసోడ్‌కు ఒక డైరెక్టర్ దర్శకత్వం వహించనుండగా, ఒక్కో హీరో నటించనున్నారు. ఇప్పటికే దర్శకులుగా నటులు అరవింద్ స్వామి, సిద్ధార్థ్ లతో పాటు గౌతం మీనన్, బిజోయ్ నంబియార్, సుధ కొంగర, కేవీ ఆనంద్, జయేంద్ర, కార్తీక్ నరేన్ ఎంపికయ్యారు.
ఈ వెబ్ సిరీస్‌లో నటించడానికి తమిళ సినీ పరిశ్రమ నుంచి సూర్య, మాధవన్‌ ఎంపిక కాగా ఇక తెలుగు పరిశ్రమ నుంచి నాగార్జున, నాని, నాగ చైతన్యలను సంప్రదిస్తున్నట్లు తెలుస్తోంది. అయితే ఈ వెబ్‌సిరీస్‌ను ఆగస్టు నుంచి మొదలు పెట్టే ఆలోచనాలో మణిరత్నం ఉన్నట్లు తెలుస్తోంది
