తమిళంలో బ్లాక్ బస్టర్ విజయాన్ని సొంతం చేసుకున్న చిత్రం ‘‘శతురంగ వెట్టై”. ఈ చిత్రాన్ని తెలుగులో ‘‘బ్లఫ్ మాస్టర్”గా 2018 డిసెంబర్ 28న రిలీజ్ చేసారు. తెలుగు లో కూడా ఈ మూవీ సూపర్ హిట్ టాక్ తెచ్చుకుంది. తాజాగా ఈ చిత్రాన్ని లాక్ డౌన్ వేళా మెగాస్టార్ చిరంజీవి చూసారు. ఈ మూవీ చిరు ను ఎంతో ఆకట్టుకోవడంతో వెంటనే ట్విట్టర్ లో ఈ సినిమా గురించి ట్వీట్ చేసాడు.
‘బ్లఫ్ మాస్టర్’ సినిమాను చూశారు. ఈ సినిమా ఆయనకు బాగా నచ్చడంతో దర్శకుడు గోపీ గణేష్‌ను ఇంటికి పిలుపించుకుని అభినందించారు. ఈ విషయాన్ని గోపి స్వయంగా ట్విట్టర్ ద్వారా వెల్లడించారు. ‘విశాల హృదయుడు అయిన మెగాస్టార్ నా ‘బ్లఫ్ మాస్టర్’ సినిమాను చూశారు. నన్ను ఇంటికి పిలిచి అభినందించారు. సినిమా చూసి, నన్ను ప్రశంసించినందుకు ప్రియమైన చిరు సార్‌కి ధన్యవాదాలు. విశాల హృదయం కలవారు మాత్రమే మనస్ఫూర్తిగా శుభాకాంక్షలు తెలియజేస్తారు. మీరు విశాల హృదయులు. నా గురించి మీరు చెప్పిన మాటలు ఎప్పటికీ నా హృదయంలో పదిలంగా ఉంటాయి. థాంక్యూ సార్’’ అని గోపి ట్వీట్‌లో పేర్కొన్నారు. అంతేకాదు, చిరంజీవితో దిగిన ఫొటోను కూడా ట్వీట్‌లో పొందుపరిచారు.
