విక్రమ్..ఈ పేరు చెపితే ఎన్నో విలక్షణ పాత్రలు గుర్తుకొస్తాయి. ఐ , అపరిచితుడు వంటి సినిమాల్లో విక్రమ్ నటన కు ఎంతో ప్రశంసలు దక్కాయి. కాగా ఈ మధ్య విక్రమ్ నటించిన సినిమాలేవీ బాక్స్ ఆఫీస్ దగ్గర సందడి చేయలేకపోతుండడం తో ఓ సాలిడ్ హిట్ కోసం ట్రై చేస్తున్నాడు.
ప్ర‌స్తుతం విక్రమ్ అజ‌య్ జ్ఞాన‌ముత్తు దర్శకత్వంలో ‘కోబ్రా’ అనే సినిమాలో న‌టిస్తోన్న సంగ‌తి తెలిసిందే. ఈ సినిమా ఇంకా సెట్స్‌పైనే ఉంది. 75 శాతం చిత్రీక‌ర‌ణ పూర్త‌య్యింది. అయితే ఈలోపే విక్రమ్ త‌దుప‌రి సినిమా కోసం సిద్ధ‌మ‌వుతున్నారు. అది కూడా తన కొడుకు ధృవ్ తో కలిసి సినిమా చేయబోతున్నాడు.
వీరిద్దరి కాంబోలో కార్తీక్ సుబ్బరాజు ఒక సినిమాను తెరకెక్కించబోతున్నట్లుగా వార్తలు వస్తున్నాయి. ఇటీవలే విక్రమ్ హీరోగా కార్తీక్ సుబ్బరాజ్ దర్శకత్వంలో సినిమా అఫిషియల్ అనౌన్స్ మెంట్ వచ్చింది. అయితే ఆ సినిమాలో ధృవ్ నటించేది లేనిది క్లారిటీ లేకపోవడంతో ఆ వార్తలు కేవలం పుకార్లు అయ్యి ఉంటాయని అనుకున్నారు. తాజాగా ఆ పుకార్లే నిజం అంటూ క్లారిటీ వచ్చేసింది. విక్రమ్ హీరోగా కార్తీక్ సుబ్బరాజ్ దర్శకత్వంలో రూపొందబోతున్న చిత్రంలో ధృవ్ కీలక పాత్రలో కనిపించబోతున్నట్లుగా కన్ఫర్మేషన్ వచ్చేసింది. ఈ సినిమాకు అనిరుధ్ రవిచంద్రన్ సంగీతం అందించబోతున్నట్లుగా కూడా ప్రకటన వచ్చేసింది.
