నందమూరి బాలకృష్ణ జూన్ 10 న 60 వసంతంలోకి అడుగుపెట్టబోతున్నాడు. అలాగే ఈసారి పుట్టిన రోజుకు ఓ ప్రత్యేకత ఉంది. అది బాలయ్య షష్ఠిపూర్తి కావడం. దీంతో ఈ ఈవెంట్ ని భారీ ఎత్తున ప్లాన్ చేస్తోంది నందమూరి కుటుంబం. ఈ వేడుకను పెద్ద ఎత్తున నిర్వహించాలని ఫ్యాన్స్ ఆత్రుత కనబరుస్తున్నారు. బాలయ్య తన నివాసంలో ఓ భారీ విందు ఏర్పాటు చేయనున్నారని ఈ విందులో నందమూరి కుటుంబ సభ్యులతో పాటు టాలీవుడ్ కి చెందిన పలువురు ప్రముఖులు పాల్గొంటారని సమాచారం.
ఇదిలా ఉంటె బర్త్‌డేకి ఒక రోజు ముందే అభిమానులకు స్పెషల్ ట్రీట్ ఇచ్చేందుకు బాలయ్య రెడీ అవుతున్నారు. ఆయనే స్వయంగా పాడిన ఓ స్పెషల్ సాంగ్‌ను జూన్ 9 సాయంత్రం 5గంటల 03 నిమిషాలకు విడుదల చేయబోతున్నట్లుగా అధికారికంగా ప్రకటించారు. ఇప్పటికే ఈ సాంగ్ గురించి వార్తలు ప్రచారం అయిన విషయం తెలిసిందే. బాలయ్య కూడా తన రీసెంట్ ఇంటర్వ్యూలలో త్వరలోనే అభిమానులకు ట్రీట్ ఉంటుంది అని చెప్పారు. చెప్పినట్లుగానే ఒక రోజు ముందే ఆ ట్రీట్ ఇచ్చేందుకు రెడీ అవుతున్నారు. ఈ పాటను బాలయ్య తన ఎన్‌బికె ఫిల్మ్ యూట్యూబ్ చానెల్ ద్వారా విడుదల చేయనున్నారు.
A Special song by our #NandamuriBalakrishna garu will be releasing at 5:03 tomorrow.
Stay tuned to @NBKFilms_ : https://t.co/oH4JpThnNn#NBK60BirthdayCelebrations pic.twitter.com/MnIwYR4khn— NBK FILMS (@NBKFilms_) June 8, 2020
