మహానటి ఫేమ్ కీర్తి సురేష్ ప్రస్తుతం ప్రముఖ తమిళ దర్శకుడు కార్తీక్ సుబ్బరాజ్ నిర్మాతగా తెరకెక్కుతున్న పెంగ్విన్ చిత్రంలో నటించిన సంగతి తెలిసిందే. ఈశ్వర్ కార్తీక్ డైరెక్ట్ చేసిన ఈ మూవీ OTT లో జూన్ 19 నుండి ప్రసారం కాబోతుంది.
ఈ నేప‌థ్యంలో పెంగ్విన్ టీజర్ ను జూన్ 8న విడుద‌ల చేయ‌డానికి ఎమెజాన్ టీమ్ ప్లాన్ చేసింది. ఈ టీజర్ ను తెలుగు, మ‌ళ‌యాల, తమిళ భాష‌ల్లో ఒకేసారి విడుద‌ల చేయ‌బోతున్నారు. స్టార్ హీరోయిన్లు తాప్సీ ప‌న్ను, స‌మంత, మంజు వారియ‌ర్, త్రిష ఈ టీజర్ ని జూన్ 8న త‌మ ట్విట్ట‌ర్ ఖాతాలు ద్వారా విడుద‌ల చేస్తున్న‌ట్లుగా అమెజాన్ ప్రైమ్ వీడియో టీమ్ అధికారికంగా ప్ర‌క‌టించింది.
