మహారాష్ట్రలో కరోనా కేసులు ఎక్కువగా నమోదు అవుతున్న సంగతి తెలిసిందే. ఇప్పటికే చాలామంది కరోనా తో మరణించగా..వేల సంఖ్యలో కేసులు నమోదు అయ్యాయి. సినీ ప్రముఖులకు సైతం కరోనా రావడం తో అంత అలర్ట్ అవుతున్నారు. ఈ మధ్యనే వకీల్ సాబ్ ప్రొడ్యూసర్ బోణి కపూర్ ఇంట్లో ముగ్గురికి కరోనా పాజిటివ్ రావడం బీ టౌన్ లో కలకలం రేపింది.
బోనీ కపూర్ తన ఇద్దరు కూతుర్లు జాన్వీ కపూర్ ఖుషీ లతో కలిసి ఉన్న ఇంట్లో పని చేసే వాళ్లలో ముగ్గురికి కరోనా పాజిటివ్ వచ్చింది. దీంతో బోనీ కపూర్ జాన్వీ ఖుషీ ముగ్గురు హోం క్వారంటైన్ లో ఉండిపోయారు. గత 14 రోజులుగా హోం క్వారంటైన్ లో ఉన్న తర్వాత వీరికి కరోనా పరీక్షలు నిర్వహించగా వీరందరికి నెగిటివ్ వచ్చింది. అంతేకాకుండా వీళ్లింట్లో పని చేసే వాళ్లకు కూడా పరీక్షల్లో నెగిటివ్ అని తేలింది. ఈ సందర్భంగా తమ కుటుంబ సభ్యులకు హోం క్వారంటైన్ ముగిసిన విషయాన్ని బోనీ కపూర్ సోషల్ మీడియా వేదికగా తెలిపారు.
