లాక్ డౌన్ కారణంగా సినిమా థియేటర్స్ మూతపడడం తో ఓటిటి లకు డిమాండ్ పెరిగింది. పెద్ద , చిన్న సినిమాలన్నీ కూడా ఓటిటి లో రిలీజ్ చేసేందుకు నిర్మాతలు ఉత్సాహం చూపిస్తున్నారు. ఇప్పటికే పలు చిత్రాలు ఓటిటి లో రిలీజ్ అయ్యి మంచి వ్యూస్ సాధించగా..తాజాగా బాహుబలి చిత్ర నిర్మాత శోభు యార్లగడ్డ ప్రస్తుతం నిర్మిస్తున్న సినిమా ఉమామహేశ్వర ఉగ్రరూపశ్య చిత్రాన్ని ఓటిటి లో రిలీజ్ చేసేందుకు సన్నాహాలు చేస్తున్నారు.
ఈ సినిమాలో సత్యదేవ్ ప్రధాన పాత్రలో నటిస్తున్నాడు. ఇక ఈ సినిమాకి కంచరపాలెం దర్శకుడు వెంకటేష్ మహా దర్శకత్వం వహిస్తున్నారు. ఈ సినిమా ఎప్పుడో విడుదల కావాల్సి ఉండగా లాక్ డౌన్ కారణంగా వాయిదాపడింది. మరి దీనిని ఎప్పుడు విడుదల చేస్తారో చూడాలి.
