సూపర్ స్టార్ మహేష్ సినిమాల పరంగానే కాదు బిజినెస్ పరంగా కూడా తన దూకుడు ను కనపరుస్తున్నాడు. ఈ మధ్యనే ప్రముఖ డిస్టిబ్యూషన్‌ సంస్థ ఏసియన్‌ సినిమాస్‌తో కలిసి హైదరాబాద్‌లో ఏఎంబీ సినిమాస్‌ పేరుతో భారీ మల్టీప్లెక్స్‌ను ఏర్పాటు చేసిన సంగతి తెలిసిందే. ఏడు స్క్రీన్స్‌తో దాదాపు 1600 సీటింగ్‌ కెపాసిటీతో నిర్మించిన ఈ మల్టీప్లెక్స్‌ ఎంతో పేరు తెచ్చుకుంది.
అలాగే మహేష్ బాబు నిర్మాణ రంగంలో ఉన్న విషయం కూడా తెలిసిందే. అయితే ఎంబీ ఎంటర్టైన్ మెంట్ పేరుతో సాగుతున్న ఈ నిర్మాణం లో యంగ్ హీరో అడవి శేష్ హీరోగా పెట్టి మేజర్ అనే పాన్ మూవీ చేస్తున్న సంగతి తెలిసిందే. కేవలం అడవి శేషు తో మాత్రమే కాదట..ఇతర పరిశ్రమల హీరోలతో కూడా ఆయన సినిమాలు నిర్మించాలని ఫిక్స్ అయ్యాడట. ఇప్పటికే పలువురి హీరోలను అనుకున్నాడట. వారిలో విజయ్ దేవరకొండ , కార్తీ వంటి వారు ఉన్నారు. మరి వీరితో ఎప్పుడు సినిమాలు చేస్తాడు అనేది చూడాలి.
