లాక్ డౌన్ కారణంగా చాల సినిమాల రిలీజ్ డేట్స్ మారాయి. షూటింగ్ లకు బ్రేక్ పడడం తో ఆయా చిత్ర నిర్మాతలు మరో కొత్త డేట్స్ కోసం చూస్తున్నారు. ఈ క్రమంలో దసరా బరిలో సాయి ధరమ్ తేజ్ తన సోలో చిత్రంతో బరిలోకి రాబోతున్నట్లు సమాచారం.
చిత్రలహరి , ప్రతి రోజు పండగే చిత్రాలతో మెగా హిట్స్ అందుకున్న సుప్రీమ్ హీరో సాయి ధరమ్ తేజ్ ప్రస్తుతం ‘సోలో బ్రతుకే సో బెటర్’ చిత్రం చేస్తున్నాడు. శ్రీ వెంకటేశ్వర సినీ చిత్ర LLP బ్యానర్‌పై BVSN ప్రసాద్ నిర్మిస్తున్న ఈ చిత్రాన్ని సుబ్బు డైరెక్ట్ చేస్తున్నాడు. సుబ్బు చిత్రానికి ఇది మొదటిది కావడం విశేషం. నభా నటేష్ హీరోయిన్ గా నటిస్తున్న ఈ మూవీని దసరా కానుకగా రిలీజ్ చేయాలనీ ప్లాన్ చేస్తున్నారు.
