అమెరికా అధ్యక్షుడు డొనాల్డ్‌ ట్రంప్ కి తిక్క రేగింది. కరోనా విషయంలో ప్రపంచ ఆరోగ్య సంస్థ పై ఆయన నిప్పులు చెరిగారు. కరోనా గురించి డబ్ల్యూహెచ్‌వో చెప్పిన ప్రతి విషయం తప్పేనని, కరోనా పుట్టిన చైనాలో ఏం జరుగుతోందో ఆ సంస్థకు తెలుసని, అయినప్పటికీ వైరస్ తీవ్రతను ఎందుకు అంచనా వేయలేకపోయారని ట్రంప్ మండిపడ్డారు. అంతేగాక, డబ్ల్యూహెచ్‌వో పూర్తిగా చైనాకు అనుకూలంగా వ్యవహరించిందని, అమెరికా ఆ సంస్థకు భారీగా నిధులిస్తుందని హెచ్చరించారు.
ఐతే ఈ విషయంలో డబ్ల్యూహెచ్‌వో చీఫ్, డైరెక్టర్‌ జనరల్‌ అధనామ్ ఘెబ్రేయేసస్ స్పందించారు. కొవిడ్‌-19 మహమ్మారితో రాజకీయాలు చేయడం మానుకోవాలని హితవు పలికారు ఘెబ్రేయేసస్ తమ సంస్థ తమ బాధ్యతలను సమర్థవంతంగానే నిర్వర్తిస్తోందని, . అమెరికా నిధులు ఆపేయడానికి ఇది సరైన సమయం కాదని, వైరస్ విజృంభిస్తోన్న సమయంలో నిధుల కొరత సృష్టించడం సరికాదని, రాజకీయ దురుద్దేశంతో వ్యాఖ్యలు చేయొద్దని ఆయన చెప్పుకొచ్చారు.
