అల వైకుంఠపురం లో చిత్రం తో బ్లాక్ బస్టర్ హిట్ అందుకున్న స్టైలిష్ స్టార్ అల్లు అర్జున్ .ప్రస్తుతం తన 20 వ చిత్రాన్ని సుకుమార్ డైరెక్షన్లో చేస్తున్నాడు. మైత్రి మూవీ మేకర్స్ నిర్మాణంలో రష్మిక హీరోయిన్ గా ఈ మూవీ తెరకెక్కుతుంది. దేవి శ్రీ మ్యూజిక్ అందిస్తున్నారు.
ఇప్పటికే ఈ మూవీ షూటింగ్ మొదటి షెడ్యూల్ పూర్తి కాగా..ప్రస్తుతం లాక్ డౌన్ కారణంగా షూటింగ్ కు బ్రేక్ పడింది. ఇక రేపు బన్నీ పుట్టిన రోజు సందర్భాంగా చిత్రం తాలూకా అప్డేట్ ను ప్రకటించబోతున్నారు. అది చిత్ర టైటిల్ అని తెలుస్తుంది. ప్రస్తుతం వినిపిస్తున్న సమాచారం మేరకు ఈ మూవీ కి పుష్ప అనే టైటిల్ ను ఫిక్స్ చేశారట. సినిమాలో హీరోయిన్ పాత్ర పేరు అదే కావడం తో ఆ పేరే సినిమాకు పెట్టడం జరిగినట్లు అంటున్నారు. మరి నిజంగా అదే టైటిలా లేదా అనేది రేపు తెలుస్తుంది.
