బుల్లితెర ఫై సందడి చేస్తూ వస్తున్న యాంకర్ ప్రదీప్..ఇప్పుడు వెండితెర ఫై సందడి చేయబోతున్నాడు. 30 రోజుల్లో ప్రేమించడం ఎలా అనే టైటిల్ తో త్వరలో ప్రేక్షకుల ముందుకు రాబోతున్నాడు. పీరియాడికల్ లవ్ స్టోరీగా తెరకెక్కనున్న ఈ సినిమాకు సుకుమార్ దగ్గర దర్శకత్వం శాఖలో పనిచేసిన మున్నా దర్శకత్వం వహిస్తున్నాడు. ప్రదీప్ సరసన అమ్రిత హీరోయిన్‌గా నటిస్తున్నారు. అనూప్‌ రూబెన్స్‌ సంగీతం అందిస్తున్నారు. ఎస్వీ ప్రొడక్షన్‌ బ్యానర్‌పై ఎస్వీ బాబు నిర్మిస్తున్నారు.
ఇక ఈ చిత్రంలోని ప్రతి సాంగ్ కు ఆడియన్స్ నుండి మంచి రెస్పాన్స్ రాగా..తాజాగా చిత్రంలోని ‘నీలి నీలి ఆకాశం’ పాట యూట్యూబ్‌లో రికార్డులు సృష్టిస్తోంది. సంగీత ప్రియుల ఆద‌ర‌ణ‌తో 100 మిలియ‌న్ వ్యూస్ క్రాస్ చేసింది. దీంతో ఇలాంటి చిన్న సినిమాల్లో ఇటీవ‌లి కాలంలో ఈ ఫీట్ సాధించిన చిత్రంగా నిలిచింది. టాలీవుడ్‌లోనే కాకుండా సౌత్ ఇండియాలోనే ఇదొక అరుదైన ఫీట్‌గా విశ్లేష‌కులు అభివ‌ర్ణిస్తున్నారు. స్టార్లు లేని ఒక చిన్న సినిమాలోని పాటకు ఈ స్థాయి ఆద‌ర‌ణ ల‌భించ‌డం గొప్ప విష‌యంగా వారు చెబుతున్నారు.
