దేశ వ్యాప్తంగా లాక్ డౌన్‌తో రైల్వే శాఖ సైతం రైళ్లను నిలిపివేసింది. దేశ వ్యాప్తంగా వివిధ ప్రాంతాలకు నడుస్తున్న రైళ్లను రద్దు చేసింది. దీంతో ఇప్పుడు ప్రయాణికులకు రైల్వే శాఖ శుభవార్త చెప్పనుంది. ఈనెల 15 నుంచి రైల్వే బుకింగ్‌లు తిరిగి ప్రారంభం కానున్నట్లు సమాచారం.
లాక్‌డౌన్‌ను పొడగించే అవకాశాలు ఏమాత్రం లేవని కేంద్ర ప్రభుత్వం నుంచి శాఖకు స్పష్టమైన సంకేతాలు రావడంతోనే ఈ నెల 15 నుంచి బుకింగ్‌లు ప్రారంభించనున్నట్లు సమాచారం. ‘‘ఏప్రిల్ 15 నుంచి ఐఆర్‌సీటీసీ నుంచి టిక్కెట్ బుకింగ్స్ అనుమతిస్తాం. లాక్‌డౌన్ 14 వరకే ఉంది. అయితే ప్రయాణికుల ప్రయాణాలు మాత్రం ఏప్రిల్ 15 నుంచే ప్రారంభం కాకపోవచ్చు’’ అని రైల్వే సీనియర్ అధికారి ఒకరు వెల్లడించారు.
