డిస్కో రాజా చిత్రం తో ప్రేక్షకుల ముందుకు వచ్చిన మాస్ మహారాజ రవితేజ..ప్రస్తుతం తన 66 వ చిత్రం క్రాక్ లో నటిస్తున్నాడు. బలుపు , డాన్ శ్రీను చిత్రాల ఫేమ్ గోపీచంద్ మలినేని ఈ చిత్రానికి డైరెక్ట్ చేస్తుండగా శృతి హాసన్ హీరోయిన్ గా నటిస్తుంది. రవితేజ ఈ సినిమాలో పవర్‌ఫుల్‌ పోలీస్‌ పాత్రలో కనిపించనున్నారు. ఆంధ్రప్రదేశ్ లో జరిగిన యదార్ధ సంఘటనల ఆధారంగా ఈ చిత్రాన్ని తెరకెక్కిస్తున్నాడు గోపీచంద్.
ప్రస్తుతం షూటింగ్ దశలో ఉన్న ఈ చిత్రం లాక్ డౌన్ కారణంగా బ్రేక్ ఇచ్చారు. ఇక ఈరోజు శ్రీరామనవమి సందర్భాంగా ఫ్యామిలీ పోస్టర్ రిలీజ్ చేసి ఆకట్టుకున్నారు. ఇక ఈ మూవీలో ఫ్యామిలీ ఎపిసోడ్స్ కొంచెం ఎక్కువగానే ఉన్నట్లు పోస్టర్ చూస్తే అర్ధమవుతుంది. ఇప్పటికే విడుదలైన క్రాక్ టీజర్ మరియు పోస్టర్స్ సినిమాపై ఆసక్తి పెంచేస్తున్నాయి. బి మధు నిర్మాతగా వ్యవహరిస్తున్న ఈ చిత్రానికి యంగ్ సెన్సేషన్ థమన్ సంగీతం అందిస్తున్నారు.
