కరోనా నియంత్రణకు ప్రతి ఒక్కరు సాయం అందిస్తున్నారు. కరోనా కారణంగా ఆర్ధికంగా నష్టపోయిన వారికోసం తమవంతు గా సినీ , రాజకీయ , క్రీడా , బిజినెస్ ఇలా ప్రతి ఒక్కరు ఆర్ధిక సాయం అందిస్తున్న వేళ సానియా మీర్జా రూ. 1.25 కోట్లను విరాళాలుగా సేకరించింది. వీటి ద్వారా అన్నార్థులకు సహాయం చేయబోతుంది.
ఈ విషయాన్ని సానియా సోమవారం తన ట్విట్టర్ ద్వారా తెలిపింది. కరోనాతో తినడానికి తిండి లేకుండా రోడ్డున పడ్డ వారి కోసం ఏమన్న చేయాలన్న తపనతో కొందరం కలిసి ఒక గ్రూపుగా ఏర్పడ్డాం అని ఈ మొత్తాన్ని కేవలం వారం వ్యవధిలోనే సేకరించాం అని ఈ మొత్తంతో వేల కుటుంబాలకు అన్నదానం చేయనున్నాం అని తెలిపింది. దీన్ని మేమందరం కలిసి ఇంకా కొనసాగిస్తాం అని తెలిపింది.
