కెరియర్ మొదట్లో వరుస హిట్లు కొట్టిన సాయి తేజ్..ఆ తర్వాత వరుస ప్లాప్స్ ఎదురుకుని ఇక తేజ్ కెరియర్ ముగిసిపోయినట్లే అనుకునే స్టేజ్ కి వచ్చాడు. ఈ సమయంలో చిత్రలహరి చిత్రం వచ్చి తేజ్ కు కాస్త ఊపిరి పోసింది. ఆ తర్వాత ప్రతి రోజు పండగే వచ్చి నిజం గా తేజ్ లో పండగ నింపింది.
ప్రస్తుతం సోలో బ్రతుకే సో బెటర్ సినిమా చేస్తున్నాడు. ఈ మూవీ ఫై అభిమానుల్లో భారీ అంచనాలే నెలకొని ఉన్నాయి. ఇలాంటి తరుణంలో హిట్ లేని దేవాకట్టా తో సినిమా చేయడం తో అభిమానులు తట్టుకోలేకపోతున్నారు. దేవా కట్టా దర్శకత్వ ప్రతిభ గురించి ఎవరూ వంక పెట్టలేరు కానీ కమర్షియల్ సక్సెస్ లేని ప్రతిభకు ఎప్పుడూ గుర్తింపు దక్కదు. తేజు ఇప్పుడిప్పుడే తన కెరీర్లో వరుస విజయాలు నమోదు చేస్తూ మంచి రైజింగ్ లో ఉన్నాడు . ఇలాంటి సమయంలో కమర్షియల్ సక్సెస్ అన్న మాటే లేని దేవా కట్టాతో చెయ్యడం పెద్ద ప్రమాదమే అని అభిమానులు అంటున్నారు. మరి దేవా లో ఏం చూసి తేజ్ ఓకే చెప్పాడో సినిమా వస్తే కానీ చెప్పలేం.
