హీరోయిన్లను అందంగా చూపించడం లో దర్శకేంద్రుడు రాఘవేంద్ర రావు తర్వాత అంత పేరు తెచ్చుకుంది కృష్ణ వంశీనే అని చెప్పాలి. ఈయన తెరకెక్కించిన ప్రతి సినిమాలో హీరోయిన్ ను చాల గ్లామర్ గా చూపిస్తుంటారు.
ప్రస్తుతం ఈయన చాల గ్యాప్ తర్వాత 2016 లో మరాఠీ లో వచ్చిన ‘నట సామ్రాట్’ సినిమాను తెలుగులో రంగమార్తాండ పేరుతో రీమేక్ చేస్తున్నాడు. రీసెంట్ గా పూజా కార్య క్రమాలు పూర్తి చేసిన వంశీ..ప్రస్తుతం శరవేగంగా షూటింగ్ చేస్తున్నాడు. కాగా ఈ సినిమాలో ఓ కీలక పాత్రకు గాను బుల్లితెర హాట్ యాంకర్ అనసూయ నటిస్తుంది. అనసూయ పాత్ర విషయానికి వస్తే.. నాటకాలు వేసే ఓ రంగస్థలం నటిగా నటించనుందట. అలాగే సినిమాలో సీన్స్ కి అనుగుణంగా ఓ ప్రత్యేక సాంగ్ లో కూడా అనసూయ నటించాల్సి ఉంటుందట. మరి ఆ సన్నివేశాల్లో ఎలా మెప్పిస్తుందో చూడాలి.
కాగా ఒరిజినల్ వెర్షన్ లో నానా పటేకర్ పోషించిన పాత్రను ఈ చిత్రంలో ప్రకాష్ రాజ్ చేస్తుండగా.. ఇక ప్రకాష్ రాజ్ సరసన రమ్యకృష్ణ నటిస్తోంది. కృష్ణవంశీ దాదాపు 20 సంవత్సరాల తరువాత తన సతీమణిని డైరెక్ట్ చేయబోతున్నాడు. ఈ సినిమాని అభిషేక్ అండ్ మధు నిర్మిస్తున్నారు.
