నందమూరి బాలకృష్ణ ఈ మధ్య వరుస ప్లాప్స్ తో ఇబ్బంది పడుతున్న సంగతి తెలిసిందే. ముఖ్యంగా ఎంతో ఇష్టపడి చేసిన ఎన్టీఆర్ బయోపిక్ దారుణమైన ప్లాప్ కావడం తో బాలయ్య ను బాగా దెబ్బతీసింది. ఈ బయోపిక్ తర్వాత చేసిన సినిమాలు కూడా ప్లాప్ అయ్యేసరికి బాలయ్య నుండి ఓ హిట్ కోసం అభిమానులు ఎంతగానో ఎదురుచూస్తున్నారు.
ఈ క్రమంలో మరోసారి ఎన్టీఆర్ పాత్ర చేసే అవకాశం వస్తే చేయనని చెప్పినట్లు తెలుస్తుంది. దివంగత ముఖ్యమంత్రి జయలలితగారి జీవితం ఆధారంగా, తమిళ దర్శకుడు ఏ ఎల్ విజయ్ ‘తలైవి’ అనే టైటిల్ తో అమ్మ బయోపిక్ ను తెరకెక్కిస్తున్న సంగతి తెలిసిందే. విష్ణు ఇందూరి, శైలేష్ ఆర్‌.సింగ్ నిర్మిస్తున్న ఈ బయోపిక్ లో మొదట ఎన్టీఆర్ పాత్ర కూడా ఉందట. కాగా ఎన్టీఆర్ పాత్రలో నటించడానికి బాలయ్యనే ఒప్పించాలని మేకర్స్ భావించారు. ఆ పాత్రలో బాలయ్య అయితేనే ఆ పాత్రకు నిండుతనం వస్తోందనే ఉద్దేశ్యంతో విష్ణు ఇందూరి, బాలయ్యను నటించమని కోరగా.. బాలయ్య సున్నితంగా తిరస్కరించినట్లు తెలుస్తోంది. దాంతో చేసేది ఏమి లేక ఎన్టీఆర్ పాత్రను సినిమాలో నుండి తొలిగించినట్లు సమాచారం.
