నందమూరి బాలకృష్ణ ప్రస్తుతం తన 105వ చిత్రంను కేఎస్‌ రవికుమార్‌ దర్శకత్వంలో చేస్తున్న విషయం తెల్సిందే. భారీ అంచనాల నడుమ రూపొందుతున్న ఆ చిత్రంను వచ్చే ఏడాది ఆరంభంలో విడుదల చేయాలని భావిస్తున్నారు. అందుకు సంబంధించిన ఏర్పాట్లు జరుగుతున్నాయి. ఇక బాలకృష్ణ 106వ చిత్రం బోయపాటి దర్శకత్వంలో కన్ఫర్మ్‌ అయ్యింది. బాలకృష్ణ, బోయపాటిల కాంబోలో సింహా మరియు లెజెండ్‌ చిత్రాలు వచ్చాయి. ఇప్పుడు హ్యాట్రిక్‌ అవ్వబోతుంది.
బాలకృష్ణ 107వ చిత్రం కూడా కన్ఫర్మ్‌ అయ్యింది. పూరి జగన్నాధ్‌ దర్శకత్వంలో బాలకృష్ణ నటించేందుకు ఓకే చెప్పాడు. రేపు పూరి జగన్నాధ్‌ బర్త్‌డే సందర్బంగా బాలయ్యతో సినిమాను అఫిషియల్‌గా అనౌన్స్‌ చేయబోతున్నారు. విజయ్‌ దేవరకొండ ‘ఫైటర్‌’ చిత్రంను పూర్తి చేసిన తర్వాత బాలకృష్ణతో సినిమాను పూరి మొదలు పెట్టబోతున్నాడు. బాలయ్యతో గతంలో పూరి ‘పైసా వసూల్‌’ చిత్రాన్ని చేశాడు. ఆ సినిమా నిరాశ పర్చడంతో ఇప్పుడు కొత్త సినిమాతో ప్రేక్షకుల ముందుకు రాబోతున్నాడు. మరి ఈ చిత్రం అయినా సక్సెస్‌ అయ్యేనో చూడాలి.
