రౌడీస్టార్‌ విజయ్‌ దేవరకొండ ప్రస్తుతం క్రాంతి మాధవ్‌ దర్శకత్వంలో ‘వరల్డ్‌ ఫేమస్‌’ చిత్రంలో నటిస్తున్నాడు. ఇప్పటికే షూటింగ్‌ మొదలైన ఈ చిత్ర తదుపరి షెడ్యూల్‌కు ప్లాన్‌ చేస్తున్నారు. పలు కీలక సన్నివేశాలను తెరకెక్కించడానికి మంచి లొకేషన్లను ఎంపిక చేశారు. యూరప్‌లోని అందమైన లొకేషన్ల జాబితాను రెడీ చేశారు. ఇక త్వరలోనే యూరప్‌ చెక్కేయడానికి ‘వరల్డ్‌ ఫేమస్‌’ లవర్‌ యూనిట్‌ అంతా కూడా రెడీ అవుతున్నారు.
యూరప్‌ వెళ్లడానికి ఏర్పాట్లలో విజయ్‌ చాలా బిజీగా ఉన్నాడు. ఈ చిత్రంలో రౌడీ సరసన ముద్దుగుమ్మ రాశిఖన్నా నటించనుంది. విజయ్‌ ఈ చిత్రం పూర్తి కాకముందే డాషింగ్‌ డైరెక్టర్‌ పూరీ జగన్నాథ్‌ దర్శకత్వంలో నటించనున్నాడు. అందుకు సంబంధించిన ప్రీ ప్రొడక్షన్‌ పనులు కూడా వేగవంతంగా జరుగనున్నాయి. రౌడీ అభిమానుల కోసం రౌడీ స్టార్‌ వరుస చిత్రాలను ప్లాన్‌ చేస్తున్నాడు.
