మాటల మాంత్రికుడు త్రివిక్రమ్‌ ప్రస్తుతం అల్లు అర్జున్‌ హీరోగా ‘ అల వైకుంఠపురం’ చిత్రాన్ని తెరకెక్కిస్తున్నారు. ఇప్పటికే 70 శాతం చిత్రీకరణ పూర్తయ్యింది. ఈ చిత్రాన్ని సంక్రాంతి కానుకగా జనవరిలో విడుదల చేయాలని చిత్ర యూనిట్‌ భావిస్తున్నారు. కాగా ఈ చిత్రంలో సీనియర్‌ హీరోయిన్‌ టబు ముఖ్య పాత్రలో కనిపించనున్నారు. బన్నీ, త్రివిక్రమ్‌ కాంబోలో ఇప్పటికే పలు సక్సెస్‌లు ఉన్న విషయం తెల్సిందే. దాంతో అభిమానులు ఈ చిత్రంపై చాలా ఆసక్తిని కనబర్చుతున్నారు.
త్రివిక్రమ్‌ ఈ చిత్రానికి సంబంధించిన ప్రమోషనల్‌ పాటను త్వరలో విడుదల చేయనున్నారు అనే వార్త ఫిల్మ్‌ నగర్‌లో షికారు చేస్తోంది. అయితే ఈ వార్తలో ఏమాత్రం నిజం లేదని ఆయన సన్నిహితుల ద్వారా తెలుస్తోంది. ప్రమోషనల్‌ సాంగ్‌ గురించిన షూట్‌ ఇప్పటి వరకు జరగలేదు, అసలు త్రివిక్రమ్‌కు ఆ ఆలోచనే లేదు అంటూ త్రివిక్రమ్‌ సన్నిహితులు క్లారిటీ ఇచ్చారు. ఈ చిత్రానికి సంబంధించిన టీజర్ దసరా కారుకగా విడుదల చేయాలని చిత్ర యూనిట్‌ ప్లాన్‌ చేస్తున్నారు.
