మెగాస్టార్‌ చిరంజీవి ప్రతిష్టాత్మక చిత్రం ‘సైరా’ ట్రైలర్‌ తాజాగా విడుదలయింది. ఈ ట్రైలర్‌కు ప్రేక్షకుల నుండి ఊహించని స్పందన వస్తోంది. సినీ తారల నుండి కూడా భారీ స్పందన వస్తోంది. ఇప్పటికే టాలీవుడ్‌లోని సినీ ప్రముఖులు ‘సైరా’ టీంకు అభినందనలతో పాటు ఆల్‌దిబెస్ట్‌లు కూడా చెప్పారు. తాజాగా బాలీవుడ్‌ ప్రముఖులైన అమీర్‌ ఖాన్‌, సల్మాన్‌ ఖాన్‌లు ‘సైరా’పై స్పందించారు. బాలీవుడ్‌ మిస్టర్‌ పర్‌ఫెక్ట్‌ అమీర్‌ ఖాన్‌ తన సోషల్‌ మీడియా ఖాతా ద్వారా ఈ చిత్రం గురించి పోస్ట్‌ చేశారు.
ఇప్పుడే ‘సైరా’ ట్రైలర్‌ చూశాను, భారీగా ఉంది, సినిమా కోసం ఆసక్తిగా ఎదురుచూస్తున్నా, చిరంజీవి గారికి నేను పెద్ద అభిమానిని, చిరంజీవి సర్‌, రామ్‌చరణ్‌ అండ్‌ టీం కు ఆల్‌ ది బెస్ట్‌ అంటూ పోస్ట్‌ చేశాడు. బాలీవుడ్‌ సూపర్‌స్టార్‌ సల్మాన్‌ ఖాన్‌ స్పందిస్తు ‘సైరా’ ట్రైలర్‌ చాలా బాగుంది. చిరంజీవి, రామ్‌చరణ్‌ అండ్‌ మిగతా యూనిట్‌ అందరికి అభినందనలు, ఆల్‌దిబెస్ట్‌ అంటూ విష్‌ చేశారు. మొత్తానికి సినీ ప్రముఖులు సైతం ‘సైరా’ కోసం చాలా ఆసక్తిగా ఎదురుచూస్తున్నారు అనడంలో ఎలాంటి సందేహం లేదు.
