సూపర్‌స్టార్‌ మహేష్‌ బాబు ప్రస్తుతం అనిల్‌ రావిపూడి దర్శకత్వంలో ‘సరిలేరు నీకెవ్వరు’ చిత్రంలో నటిస్తున్నాడు. సక్సెస్‌లతో దూసుకుపోతున్న మహేష్‌ ఈ చిత్రంపై కూడా అంచనాలు తారా స్థాయిలో ఉన్నాయి. మహేష్‌ మార్క్‌ తగినట్టుగా ఈ చిత్రం ఉండబోతుందని చిత్ర యూనిట్‌ మొదటి నుండి చెబుతూనే ఉన్నారు. మహేష్‌ సరసన ముద్దుగుమ్మ రష్మిక మందాన్న రొమాన్స్‌ చేయనుంది. చకాచకా షూటింగ్‌ పూర్తి చేసి సంక్రాంతికి ప్రేక్షకుల ముందుకు తీసుకురావడానికి చిత్ర యూనిట్‌ సన్నాహాలు చేస్తున్నారు.
ఈ చిత్రంలో ప్రత్యేక పాటను మహేష్‌ మార్క్‌కు తగినట్టుగా ప్లాన్‌ చేస్తున్నారు. స్పెషల్ సాంగ్‌ కూడా ప్రత్యేక ఆకర్షణగా ఉండాలని బాలీవుడ్‌ ముద్దుగుమ్మ సోనాక్షి సిన్హాను సంప్రదించారట. అయితే ఈ అమ్మడు పాట విన్న తర్వాతే తన నిర్ణయం చెబుతానని తేల్చి చెప్పింది. అయితే పాట ఇంకా రెడీ అవలేదని అనడంతో సూపర్‌స్టార్‌కు సోనాక్షి నో చెప్పిందట. దాంతో ప్రత్యేక పాట కోసం తమన్నాను ఎంపిక చేశారు. ఈ చిత్రం ద్వారా సీనియర్‌ నటి విజయశాంతి రీఎంట్రీ ఇవ్వనున్నారు. ఇది కూడా సినిమాకు ప్లస్‌ పాయింట్‌ అని చెప్పవచ్చు.
