సూపర్‌స్టార్‌ మహేష్‌ బాబు ప్రస్తుతం అనిల్‌ రావిపూడి దర్శకత్వంలో ‘సరిలేరు నీకెవ్వరు’ చిత్రంలో నటిస్తున్నాడు. ఈ చిత్రాన్ని సంక్రాంతి కానుకగా ప్రేక్షకుల ముందుకు తీసుకురావాలని చిత్ర యూనిట్‌ ప్లాన్‌ చేస్తోంది. ఇంకో మూడు నెలల్లో ఈ చిత్ర షూటింగ్‌ పూర్తి కానుంది. అయితే మహేష్‌ తదుపరి చిత్రం ఎవరితో అనేది ఇంకా క్లారిటీ లేదు. ఈ చిత్ర షూటింగ్‌ అయిపోవస్తున్న కూడా మహేష్‌ తదుపరి చిత్రానికి ఏ దర్శకుడికి ఒకే చెప్పలేదు.
మహేష్‌ కోసం దర్శకుల లిస్టులో చాలామందే ఉన్నారు. కానీ ఒక్కరికి కూడా మహేష్‌ ఒకే చెప్పినట్టుగా లేదు. దాంతో మహేష్‌ తదుపరి చిత్రం ఎవరితోనా? అని అభిమానులు డైలామాలో పడ్డారు. త్రివిక్రమ్‌, రాజమౌళి, సందీప్‌ వంగా, పరుశరాం బుజ్జీ, వంశీ పైడిపల్లి లలో మహేష్‌ ఎవరికి గ్రీన్‌ సిగ్నల్‌ ఇస్తాడా? అని అభిమానులు ఆసక్తిగా ఎదురు చూస్తున్నారు.
