కెరియర్‌ ఆరంభంలో కాస్త తడబడినా కూడా ప్రస్తుతం చేతి నిండా సినిమాలతో స్టార్‌హీరోయిన్‌గా ఓ వెలుగుతున్న ముద్దుగుమ్మ పూజా హెగ్డే. ఈ అమ్మడు వరుసపెట్టి స్టార్‌ హీరోల సరసన రొమాన్స్‌ చేస్తోంది. పూజా, వరుణ్‌ తేజ్‌లు కలిసి మరోసారి రొమాన్స్‌ చేశారు. గతంలో ఈ ఇద్దరు ‘ముకుంద’ చిత్రంలో ప్రేక్షకుల ముందుకు వచ్చి పర్వాలేదనిపించుకున్నారు. మరొక సారి ఈ జంట వెండితెరపై రొమాన్స్‌ చేయనుంది.
వరుణ్‌, పూజాలు నటించిన తాజా చిత్రం ‘వాల్మీకి’ ప్రీ రిలీజ్‌ వేడక ఘనంగా జరిగింది. ఈ కార్యక్రమానికి వెంకటేష్‌ ముఖ్య అతిథిగా వచ్చారు. ఈ చిత్రంలో వరుణ్‌ పూర్తి మాస్ యాంగిల్‌లో దర్శణం ఇవ్వనున్నారు. పూజా పాత్రను గురించి వరుణ్‌ క్లారిటీ ఇచ్చారు. ఈ చిత్రంలో పూజా ఫ్లాష్‌బాక్‌ సమయంలో కాసేపు మాత్రమే కనిపిస్తుందట. నిడివి తక్కువ అయినా కూడా ఇద్దరి మధ్య మంచి కెమిస్ట్రీ ప్లాన్‌ చేసినట్టుగా తెలుస్తోంది. ఈ అమ్మడు పాత్ర కోసం ఆరాటపడే అభిమానులకు ఇది నిరాశే అని చెప్పవచ్చు. వెండితెరపై ఇద్దరి కెమిస్ట్రీ లాంగ్‌రన్‌ ఉంటుంది అని భావించిన అభిమానులకుఈ అమ్మడి పాత్ర నిడివి కొంచెం అనగానే వారి ఆశలపై నీళ్లు చల్లినట్టు అయింది
