మెగాస్టార్‌ చిరంజీవి ‘ఖైదీనెం. 150’ చిత్రంతో రీఎంట్రీ ఇచ్చి తన స్టామినా ఏమాత్రం తగ్గలేదని నిరూపించారు. ఆ తర్వాత ప్రతిష్టాత్మకంగా ‘సైరా’ చిత్రంలో నటించారు. ఉయ్యాలవాడ నరసింహారెడ్డి కథతో ఈ చిత్రం తెరకెక్కింది. సురేందర్‌ రెడ్డి దర్శకత్వంలో ఈ చిత్రాన్ని రామ్‌చరణ్‌ నిర్మించారు. ఈ చిత్రం అక్టోబర్‌ 2న ప్రపంచవ్యాప్తంగా విడుదలకు ముస్తాబవుతోంది. ప్రస్తుతం చిత్ర యూనిట్‌ అంతా కూడా ప్రమోషన్‌ పనుల్లో బిజీ అయ్యారు. ‘సైరా’ సమర్పకురాలు సురేఖ కూడా ప్రస్తుతం ప్రమోషన్‌ కార్యక్రమాలను షురూ చేసినట్టుగా తెలుస్తోంది.
చిరు సతీమణి సురేఖ తాజాగా సింహాచలంలో ప్రత్యేక పూజలను జరపించింది. సింహాచలంలో సురేఖకు అంతా ఘన స్వాగతం పలికారు. ప్రశాంతంగా ప్రత్యేక పూజలను న్విహించి తీర్థ ప్రసాదాలను పుచ్చుకున్నారు. ఇకపోతే సురేఖను చూడడానికి చాలా మంది భక్తులు కూడా ఆసక్తి కనబర్చారు. ‘సైరా’ కోసమే ఈ ప్రత్యేక పూజలు అని సమాచారం. ఈ రకంగా తనవంతుగా ప్రమోషన్‌ కార్యక్రమాలను చేస్తోంది అన్నమాట.
