రాజమౌళి దర్శకత్వంలో తెరకెక్కుతున్న ‘ఆర్‌ఆర్‌ఆర్‌’ చిత్రంకు సంబంధించిన ప్రతి విషయం కూడా ప్రస్తుతం సినీ వర్గాల్లో చర్చనీయాంశం అవుతున్న విషయం తెల్సిందే. బాహుబలి చిత్రం తర్వాత దర్శకుడు రాజమౌళి దర్శకత్వంలో ఈ చిత్రం కోసం దేశ వ్యాప్తంగా సినీ అభిమానులు ఎదురు చూస్తున్నారు. ఎన్టీఆర్‌ మరియు రామ్‌ చరణ్‌లు ఈ చిత్రంలో హీరోలుగా నటిస్తున్న విషయం తెల్సిందే. ఇక ఈ చిత్రం గురించిన ఆసక్తికర అప్‌డేట్‌ ఒకటి సోషల్‌ మీడియాలో తెగ చక్కర్లు కొడుతోంది.
‘ఆర్‌ఆర్‌ఆర్‌’ చిత్రంలో రామ్‌ చరణ్‌ మరియు ఎన్టీఆర్‌లు అల్లూరి సీతారామరావు మరియు కొమురం భీం పాత్రల్లో కనిపించబోతున్నారు. వీరిద్దరు అడవుల్లో అజ్ఞాతవాసం చేసిన కథాంశంతో ఈ చిత్రం రూపొందిస్తున్నారు. అడవిలో వీరిద్దరు ఒక పులితో పోరాడే సన్నివేశంను జక్కన్న అద్బుతంగా చెక్కబోతున్నాడు. బాహుబలి చిత్రంలో రానా ఒక బుల్‌ తో పోరాడే సీన్‌ ఎంతగా పాపులర్‌ అయ్యిందో ఆ సీన్‌ కూడా అలా ఉంటుందని అంటున్నారు. ఆ సీన్‌లో ఇద్దరు హీరోలు ఉంటారని కొందరు అంటూ ఉంటే మరికొందరు మాత్రం కేవలం ఎన్టీఆర్‌ మాత్రమే ఆ సీన్‌లో కనిపించబోతున్నాడు అంటున్నారు. అసలు విషయం వచ్చే ఏడాది జులై 30 న సినిమా వస్తే తేలే అవకాశం ఉంది. ప్రస్తుతం బల్గేరియాలో ఆ సీన్‌కు సంబంధించిన చిత్రీకరణను హాలీవుడ్‌ టెక్నీషియన్స్‌ సమక్షంలో చేస్తున్నారట.
