సూపర్‌ స్టార్‌ మహేష్‌బాబుకు ఒకరు నచ్చితే వారికి చాలా ప్రాముఖ్యత ఇస్తాడని అంటూ ఉంటారు. ఆయన ఎవరినైనా నమ్మితే చాలా దూరం వెళ్లేందుకు సిద్దం అవుతాడు. తాజాగా తనకు మహర్షి వంటి భారీ విజయాన్ని ఇచ్చినందుకు గాను దర్శకుడు వంశీ పైడిపల్లితో మరో సినిమాను చేసేందుకు సిద్దం అయ్యాడు. ఇక కొరటాలతో ఇప్పటికే రెండు సినిమాలు చేసిన విషయం తెల్సిందే. తాజాగా అనీల్‌ రావిపూడితో కూడా మహేష్‌బాబు రెండవ సినిమాకు ఓకే చెప్పినట్లుగా సమాచారం అందుతోంది.
ప్రస్తుతం అనీల్‌ దర్శకత్వంలో ‘సరిలేరు నీకెవ్వరు’ చిత్రాన్ని మహేష్‌ చేశాడు. వచ్చే ఏడాది సంక్రాంతికి సినిమా రాబోతుంది. మామూలుగా అయితే సినిమా విడుదలై సక్సెస్‌ అయిన తర్వాత ఆ దర్శకుడికి మళ్లీ ఛాన్స్‌ ఇస్తారు. కాని మహేష్‌ ఈసారి మాత్రం సరిలేరు నీకెవ్వరు సెట్స్‌పై ఉండగానే ఆ దర్శకుడు అనీల్‌కు మరో ఛాన్స్‌ ఇచ్చాడు. సరిలేరు చిత్రం మహేష్‌కు 26వ చిత్రం. మహేష్‌ 27వ చిత్రంను చేసేది ఎవరో ఇంకా క్లారిటీ రాలేదు. ఇక 28వ చిత్రాన్ని మాత్రం ఖచ్చితంగా అనీల్‌ రావిపూడితోనే చేయాలని మహేష్‌బాబు నిర్ణయించుకున్నాడు. అందుకు సంబంధించిన ఒక స్టోరీ లైన్‌ కూడా సిద్దంగా ఉన్నట్లుగా తెలుస్తోంది. మొత్తానికి అనీల్‌ రావిపూడి పంట పండినట్లయ్యింది.
