చందమామపై అడుగు పెట్టామని అంతా భావిస్తున్న తరుణంలో అనూహ్యంగా కొన్ని సెకన్ల ముందు చంద్రయాన్‌ 2 ప్రయోగం విఫలం అయ్యింది. ల్యాండర్‌ విక్రమ్‌ నుండి సంకేతాలు అందక పోవడంతో ప్రయోగం విఫలం అయ్యింది. చంద్రయాన్‌ నుండి రోవర్‌ బయటకు వచ్చి చంద్రుడిపై విశేషాలను ఇక్కడకు పంపిస్తుందని, చంద్రుడిపై మన ముద్ర వేస్తుందని అంతా ఆశించారు. కాని అనూహ్యంగా మొత్తం మారిపోయింది. అయినా కూడా ఇస్రో శాస్త్రవేత్తలు చేసిన ప్రయత్నంను దేశం మొత్తం ప్రశంసిస్తూనే ఉంది. ప్రతి ఒక్కరు అభినందిస్తున్నారు.
తాజాగా సూపర్‌ స్టార్‌ మహేష్‌ బాబు సోషల్‌ మీడియా ద్వారా స్పందిస్తూ ఇస్రో శాస్త్రవేత్తలపై ప్రశంసల జల్లు కురిపించారు. మీరే మా రియల్‌ హీరోస్‌ అంటూ కామెంట్‌ చేశాడు. మహేష్‌ బాబుతో పాటు టాలీవుడ్‌కు చెందిన దాదాపు అంతా కూడా ఇస్రో శాస్త్రవేత్తలపై ప్రశంసల జల్లు కురిపించడం జరిగింది. దేశ వ్యాప్తంగా ఇస్రోపై అభినందనల వర్షం కురుస్తోంది. ఇప్పుడు కాకుంటే మరోసారి తప్పకుండా మీరు విజయాన్ని అందుకుంటారు అంటూ ఇస్రో శాస్త్రవేత్తలకు దేశం మొత్తం వెన్ను దన్నుగా నిల్చుని మద్దతు చెపుతోంది.
