తెలుగు ప్రేక్షకులతో పాటు దేశ వ్యాప్తంగా సినీ అభిమానులు ఎంతో ఆసక్తిగా ఎదురు చూస్తున్న చిత్రం ‘ఆర్‌ఆర్‌ఆర్‌’. ఈ చిత్రంను రామ్‌ చరణ్‌ మరియు ఎన్టీఆర్‌లతో రాజమౌళి తెరకెక్కిస్తున్న విషయం తెల్సిందే. రాజమౌళి దర్శకత్వంలో వచ్చిన బాహుబలి చిత్రం తెలుగు సినిమా హద్దులు చెరిపేసింది. అందుకే ఆయన దర్శకత్వంలో సినిమా అనగానే అంచనాలు పీక్స్‌లో వస్తున్నాయి. ఆర్‌ఆర్‌ఆర్‌ చిత్రంలో ఎన్టీఆర్‌ కొమురం భీం పాత్రలో రామ్‌ చరణ్‌ అల్లూరి సీతారామరాజు పాత్రలో కనిపించబోతున్నారు. ఇప్పటి వరకు వీరి పాత్రలకు సంబంధించిన పోస్టర్స్‌ను విడుదల చేయలేదు.
సినిమా విడుదలకు ఇంకా దాదాపుగా సంవత్సరం కాలం ఉన్న నేపథ్యంలో ఫస్ట్‌లుక్‌ను విడుదల చేసే ఉద్దేశ్యం లేదని గతంలోనే జక్కన్న చెప్పాడు. ఇప్పుడు మళ్లీ ఎన్టీఆర్‌ కొమురం భీం లుక్‌ను రివీల్‌ చేయబోతున్నారు అంటున్నారు. అక్టోబర్‌ 22న కొమురం భీం జయంతి ఉంది. ఆ సందర్బంగా ఎన్టీఆర్‌ లుక్‌ను రివీల్‌ చేసే అవకాశం ఉందని అంటున్నారు. ఈ వాదనలో కాస్త నిజం ఉందనిపిస్తుంది. కొమురం భీం గురించి తీస్తున్నారు కనుక ఆయన జయంతి రోజు విడుదల చేస్తే బాగుంది. ఒక వేళ ఎన్టీఆర్‌ లుక్‌ కాకున్నా ఏదో ఒక అప్‌డేట్‌ మాత్రం ఆరోజు ఆర్‌ఆర్‌ఆర్‌ యూనిట్‌ సభ్యుల నుండి ఉంటుందని తెలుస్తోంది.
