భాగమతి చిత్రం తర్వాత చాలా గ్యాప్‌ తీసుకున్న అనుష్క ఎట్టకేలకు నిశబ్దం అనే చిత్రంలో నటిస్తున్న విషయం తెల్సిందే. తెలుగు భాషతో పాటు పలు భాషల్లో ఈ చిత్రాన్ని తెరకెక్కిస్తున్నారు. ప్రస్తుతం సినిమాకు సంబంధించిన షూటింగ్‌ శరవేగంగా జరుగుతున్నారు. భారీ ఎత్తున అంచనాలున్న ఈ చిత్రంలో అనుష్క ఎలా కనిపించబోతుందా అంటూ అంతా కూడా చాలా ఆసక్తికరంగా ఎదురు చూస్తున్నారు. ఆ ఎదురు చూపులకు బ్రేక్‌ పడబోతుంది.
ఈనెల 11న ఉదయం 11 గంటల 11 నిమిషాలకు ‘నిశబ్దం’ చిత్రం అనుష్క లుక్‌ను రివీల్‌ చేయబోతున్నట్లుగా అధికారికంగా ప్రకటన వచ్చింది. భారీ అంచనాలున్న ఈ చిత్రంతో అనుష్క మళ్లీ బిజీ అవ్వనుందా లేదంటే ఈ సినిమా ఫలితం తారు మారు అయితే సినిమాలకు గుడ్‌ బై చెప్పి పెళ్లి చేసుకుని సెటిల్‌ అవ్వనుందా అనేది చూడాలి. బాహుబలి క్రేజ్‌ను సరిగా ఉపయోగించుకోలేక పోయిన అనుష్క ఈసారైనా సక్సెస్‌ను కొట్టి మళ్లీ బిజీ అయ్యేనో చూడాలి.
