రాజమౌళి దర్శకత్వంలో తెరకెక్కిన ‘ఆర్‌ఆర్‌ఆర్‌’ చిత్రం షూటింగ్‌ శరవేగంగా జరుగుతోంది. ప్రస్తుతం సినిమాకు సంబంధించిన చిత్రీకరణ బల్గేరియాలో చేస్తున్న విషయం తెల్సిందే. భారీ ఎత్తున అంచనాలున్న ఈ చిత్రంలో రామ్‌ చరణ్‌ మరియు ఎన్టీఆర్‌లు హీరోలుగా నటిస్తున్నారు. అయితే ఈ చిత్రంలో తమ హీరో ఎక్కువ పాత్ర అంటే తమ హీరోకు ఎక్కువ పాత్ర ఉండాలి అంటూ మెగా మరియు నందమూరి అభిమానులు కోరుకుంటూ ఉన్నారు. తాజాగా సోషల్‌ మీడియాలో ఈ విషయమై పెద్ద ఎత్తున చర్చ జరుగుతోంది.
గత కొన్ని రోజులుగా బల్గేరియాలో కేవలం ఎన్టీఆర్‌పై మాత్రమే చిత్రీకరణ జరుపుతున్నారు. రామ్‌ చరణ్‌ ప్రస్తుతం ఇండియాలోనే ఉన్నాడు. చిత్రీకరణ తర్వాత షెడ్యూల్‌లో రామ్‌ చరణ్‌ పాల్గొనబోతున్నట్లుగా వార్తలు వస్తున్నాయి. అంటే ఈ షెడ్యూల్‌ మొత్తం కూడా ఎన్టీఆర్‌పైనే చిత్రీకరిస్తున్నారు. కనుక ఈ చిత్రంలో ఎన్టీఆర్‌ నటిస్తున్న భీం పాత్ర ఎక్కువగా ఉంటుందని నందమూరి అభిమానులు సోషల్‌ మీడియాలో ప్రచారం మొదలు పెట్టారు. ఈ నేపథ్యంలో మెగా ఫ్యాన్స్‌ కూడా కౌంటర్‌గా కామెంట్స్‌ చేస్తున్నారు. దాంతో ఈ విషయమై రచ్చ జరుగుతోంది.
