సాహో చిత్రంతో మరోసారి జాతీయ స్థాయిలో సూపర్‌ స్టార్‌గా మంచి పేరు తెచ్చుకోవాలనుకున్న ప్రభాస్‌ దారుణమైన పరాజయం పాలయ్యాడు. సుజీత్‌ వంటి అనుభవం లేని వ్యక్తికి సాహో వంటి పెద్ద సినిమా బాధ్యతలను అప్పగించడంతోనే ప్రభాస్‌ అమాయకత్వం మరియు తెలివిలేని తనం కొట్టొచినట్లుగా కనిపిస్తుందని విమర్శలు వ్యక్తం అవుతున్నాయి. బాహుబలి వంటి బ్లాక్‌ బస్టర్‌ సక్సెస్‌ను దక్కించుకున్న తర్వాత క్యాష్‌ చేసుకోవాలనుకోవడంలో తప్పులేదు. కాని మరీ అత్యాశ మంచిది కాదని ప్రభాస్‌ ఈ సంఘటనతో అయినా తెలుసుకోవాల్సిన అవసరం ఉంది.
ఇక సాహోలో ప్రభాస్‌ యాక్టింగ్‌ గురించి మరీ చీప్‌ ట్రోల్స్‌ పడుతున్నాయి. ట్రోల్స్‌ మామూలుగా అయితే సినిమాపై ఉండాలి. కాని ప్రభాస్‌ యాక్టింగ్‌, డాన్స్‌ బేసిక్‌గా కూడా చేయలేదు అంటూ విమర్శలు వ్యక్తం అవుతున్నాయి. బాహుబలి సినిమా కోసం జక్కన్న ప్రభాస్‌ నుండి నటననను రాబట్టుకున్నాడు. కాని సుజీత్‌ ప్రభాస్‌ నుండి యాక్టింగ్‌ను రాబట్టుకోవడంలో పూర్తిగా విఫలం అయ్యాడు. సాహో చిత్రం ఆర్ధికంగా మరియు ఇమేజ్‌ పరంగా కూడా ప్రభాస్‌కు డ్యామేజ్‌ను క్రియేట్‌ చేసిందని టాక్‌ వస్తుంది.
