మహేష్‌బాబు మేనల్లుడు, ఎంపీ గల్లా జయదేవ్‌ తనయుడు గల్లా అశోక్‌ హీరోగా ఎంట్రీ ఇవ్వబోతున్నట్లుగా గత కొన్ని నెలలుగా మీడియాలో వార్తలు వచ్చాయి. ఆమద్య దిల్‌రాజు నిర్మాణంలో శశి దర్శకత్వంలో ఒక చిత్రం రాబోతుందని ప్రారంభం అవ్వబోతుందని వార్తలు వచ్చాయి. కాని ఏదో కారణం వల్ల ఆ సినిమా పట్టాలెక్కలేదు. శశి కూడా తప్పుకున్నాడు. ఇప్పుడు మరోసారి గల్లా అశోక్‌ ఎంట్రీపై వార్తలు వస్తున్నాయి. గత కొన్ని రోజులుగా ఈ విషయమై సోషల్‌ మీడియాలో వార్తలు చక్కర్లు కొడుతున్నాయి.
అశోక్‌ హీరోగా శ్రీరామ్‌ ఆధిత్య దర్శకత్వంలో సినిమా తెరకెక్కబోతుంది. ఇప్పటికే శ్రీరామ్‌ ఆధిత్య స్క్రిప్ట్‌ రెడీ చేశాడని, త్వరలోనే సినిమాను పట్టాలెక్కించబోతున్నట్లుగా తెలుస్తోంది. ఇక ఈ చిత్రంతో గల్లా జయదేవ్‌ అంటే మహేష్‌బాబు బావ గారు నిర్మాతగా ఎంట్రీ ఇవ్వబోతున్నాడు. గల్లా అశోక్‌ను హీరోగా పరిచయం చేసి మామకు తగ్గ అల్లుడిగా, సూపర్‌ స్టార్‌ కృష్ణ మనవడిగా స్టార్‌గా నిలబెట్టాలని జయదేవ్‌ విశేషంగా ప్రయత్నాలు చేస్తున్నాడు. మరి ఆ ప్రయత్నాలు ఎంత వరకు సక్సెస్‌ అయ్యేనో చూడాలి.
