గత కొన్ని సంవత్సరాలుగా వీ6 ప్రేక్షకులను విశేషంగా ఆకట్టుకున్న వ్యక్తి బిత్తిరి సత్తి అలియాస్‌ చేవెల్ల రవి. సినిమాల్లో నటించి, సహాయ దర్శకుడిగా ఎన్నో ప్రయత్నాలు చేసి చివరకు వీ6లో మంచి గుర్తింపును దక్కించుకున్నాడు. సావిత్రి అలియాస్‌ జ్యోతి మరియు రవిలు చేసిన తీన్మార్‌ వార్తలు ఏ స్థాయిలో ప్రేక్షకులను ఆకట్టుకున్నాయో ప్రత్యేకంగా చెప్పనక్కర్లేదు. ఇటీవలే బిగ్‌బాస్‌ కోసం అంటూ సావిత్రి అలియాస్‌ జ్యోతి తీన్మార్‌ వార్తలకు గుడ్‌బై చెప్పింది. ఇప్పుడు రవి కూడా వీ6కు రాజీనామా చేశాడు.
కొన్ని రోజుల క్రితమే ఈ విషయాన్ని చేవెల్ల రవి ప్రకటించాడు. అయితే అప్పుడు ఏ ఛానెల్‌లో చేరేది చెప్పలేదు. అపాయింట్‌మెంట్‌ తీసుకున్నట్లుగా రవి ప్రకటించి ఎట్టకేలకు టీవీ 9లో జాయిన్‌ అయినట్లుగా ప్రకటించాడు. టీవీ9 చీప్‌ ఎడిటర్‌ రజినీకాంత్‌ చేతుల మీదుగా చేవెళ్ల రవి అపాయింట్‌మెంట్‌ ఆర్డర్‌ను తీసుకున్నాడు. అయితే టీవీ9లో చేవెళ్ల రవి పాత్ర ఎలా ఉండబోతుంది అనేది చర్చనీయాంశంగా ఉంది. మంచి అవకాశంను రవి వదులుకున్నాడు. వీ6లోని తీన్మార్‌ స్థాయిలో ఏ పోగ్రా ఉండదు. మరి రవి భవిష్యత్తు ఏంటో చూడాలి.
