సూపర్‌ స్టార్‌ మహేష్‌బాబు గత ఏడాది థియేటర్‌ బిజినెస్‌లోకి అడుగు పెట్టిన విషయం తెల్సిందే. భాగస్వాములతో కలిసి ‘ఏఎంబీ’ మల్టీప్లెక్స్‌ను ఏర్పాటు చేయడం జరిగింది. ఆ మల్టీప్లెక్స్‌కు మంచి పబ్లిసిటీ దక్కడంతో భారీ ఎత్తున ప్రేక్షకులు వస్తున్నారు. సినిమా ఏది విడుదలైనా కూడా సెలబ్రెటీల నుండి సామాన్యుల వరకు అంతా కూడా ఎంఎంబీ మల్టీప్లెక్స్‌కు పరుగులు పెడుతున్నారు. దాంతో అతి తక్కువ సమయంలోనే ఈ మల్టీప్లెక్స్‌కు మంచి పేరు దక్కింది.
తాజాగా ఈ మల్టీప్లెక్స్‌ ప్రతిష్టాత్మక అవార్డును కూడా దక్కించుకుంది. బిగ్‌ సినీ అవార్డ్స్‌ 2019 లో భాగంగా ఏఎంబీ మల్టీప్లెక్స్‌కు అవార్డు దక్కింది. థియేటర్‌ పేరుపై సామాజిక కార్యక్రమాలను కూడా నిర్వహిస్తున్న కారణంగా ఈ అవార్డును దక్కించుకున్నట్లుగా సమాచారం అందుతోంది. తన ఏఎంబీ మల్టీప్లెక్స్‌కు అవార్డ్‌ రావడం పట్ల మహేష్‌ బాబు చాలా సంతోషంగా ఉన్నాడు. ఈ అవార్డుకు కారణం అయిన మల్టీప్లెక్స్‌ సిబ్బందికి ప్రత్యేకంగా మహేష్‌బాబు శుభాకాంక్షలు తెలియజేశాడు.
Extremely happy @amb_cinemas has won 'Best Multiplex of the Year' at the #BigCineAwards2019. Hearty congratulations to the entire team for your contribution & hardwork!!!?? #AMBcinemas ? pic.twitter.com/7OzxQ6A4uL
— Mahesh Babu (@urstrulyMahesh) August 27, 2019
