పవన్‌ కళ్యాణ్‌ రాజకీయాలతో బిజీగా ఉన్నాడు. మొన్నటి ఎన్నికల్లో దారుణ పరాజయం తర్వాత మళ్లీ ఆయన సినిమాలు చేసుకుంటాడని అంతా భావించారు. సినిమాలు చేస్తూనే గతంలో మాదిరిగా రాజకీయాలు చేస్తాడనే వార్తలు వచ్చాయి. కాని నాగబాబు స్వయంగా మాట్లాడుతూ పవన్‌ కళ్యాణ్‌ మళ్లీ సినిమాల్లో నటించబోతున్నట్లుగా వస్తున్న వార్తలు నిజం కాదని తేల్చి పారేశాడు. అసలు ఆయనకు అలాంటి ఆలోచన లేదు అంటూ చెప్పేశౄడు. కాని ప్రస్తుత పరిణామాలు చూస్తుంటే పవన్‌ రీ ఎంట్రీ ఉండే అవకాశం ఉందనిపిస్తుంది.
గత కొన్ని రోజులుగా సినిమా న్యూస్‌లో పవన్‌ కళ్యాణ్‌ పేరు ప్రముఖంగా వినిపిస్తుంది. ఆమద్య సినిమాలకు సంబంధించిన ఒక పుస్తక ఆవిష్కరణ కార్యక్రమంలో పాల్గొనడంతో పాటు, తాజాగా మెగాస్టార్‌ చిరంజీవి నటించిన సైరా నరసింహారెడ్డి చిత్రంకు వాయిస్‌ ఓవర్‌ ఇవ్వడం జరిగింది. మెగా మూవీలో గెస్ట్‌ అప్పియరెన్స్‌ కూడా ఇచ్చేందుకు పవన్‌ సిద్దంగా ఉన్నట్లుగా వార్తలు వస్తున్నాయి. ఇలాంటి సమయంలో కొందరు పవన్‌ కళ్యాణ్‌ రీ ఎంట్రీ ఇచ్చే ఉద్దేశ్యంతో ఈ హడావుడి అంతా చేస్తున్నాడు అంటూ కామెంట్స్‌ చేస్తున్నారు. పవన్‌ మనసు మార్చుకుని వచ్చే ఎన్నికల వరకు సినిమాలు చేసుకుంటే బాగుంటుందని అభిమానులు కూడా అభిప్రాయం వ్యక్తం చేస్తున్నారు.
