పవన్‌ కళ్యాణ్‌ సినిమాలను మానేశానంటూ చెప్పుకొచ్చాడు. ఇకపై పూర్తి స్థాయి రాజకీయాలపైనే దృష్టి పెట్టాలని ఆయన ఆశ పడుతున్నాడు. అందుకోసం ఆయన అడ్వాన్స్‌ తీసుకున్న వాటిని కూడా తిరిగి ఇచ్చేయడం జరిగింది. అయితే అప్పుడప్పుడు మాత్రం సినిమా వేడుకలకు హాజరు అవుతూ సినిమాలకు దగ్గరగానే ఉంటున్నాడు. తాజాగా అన్నయ్య చిరంజీవి ‘సైరా నరసింహారెడ్డి’ చిత్రంకు గాను వాయిస్‌ ఓవర్‌ ఇవ్వడం జరిగింది. దీంతో ఈ చిత్రం స్థాయి మరింతగా పెరిగినట్లయ్యింది.
మెగాస్టార్‌ చిరంజీవి ప్రతిష్టాత్మక చిత్రం సైరా టీజర్ విడుదలకు సిద్దం అవుతుంది. చిరు పుట్టిన రోజున ప్రేక్షకుల ముందుకు రాబోతున్న టీజర్ కోసం పవన్‌ వాయిస్‌ ఓవర్‌ ఇచ్చాడు. అది సినిమాలో కూడా ఉంటుందని సమాచారం అందుతోంది. భారీ అంచనాల నడుమ రూపొందిన ఈ చిత్రంను అక్టోబర్‌ 2న ప్రేక్షకుల ముందుకు తీసుకు రాబోతున్నారు. చిరంజీవి ఇప్పటి వరకు 150 చిత్రాల్లో నటించినప్పటికి ఇది అత్యంత ప్రతిష్టాత్మక చిత్రంగా ఆయన భావించి చేశాడు. అందుకే పవన్‌ కూడా ఈ సినిమా కోసం తనవంతు అన్నట్లుగా వాయిస్‌ ఓవర్‌ ఇవ్వడం జరిగింది.
