నాగార్జున హీరోగా రకుల్‌ ప్రీత్‌ సింగ్‌ హీరోయిన్‌గా తెరకెక్కిన ‘మన్మధుడు 2’ చిత్రం విడుదలకు సిద్దం అయ్యింది. ఈనెల 9న అంటే మరో మూడు రోజుల్లో ప్రేక్షకుల ముందుకు రాబోతున్న మన్మధుడు 2 చిత్రం ప్రమోసన్‌లో భాగంగా రకుల్‌ ప్రీత్‌ సింగ్‌ వరుసగా ఇంటర్వ్యూలు ఇస్తుంది. ఈ అమ్మడు తాజాగా ఒక మీడియా సంస్థతో మాట్లాడిన సందర్బంగా బోల్డ్‌ పాత్ర అంటూ ఇంటర్వ్యూవర్‌ ప్రశ్నించిన సమయంలో నాది ఈ చిత్రంలో బోల్డ్‌ పాత్ర కాదు అంటూ క్లారిటీ ఇచ్చే ప్రయత్నం చేసింది.
మన్మధుడు 2 చిత్రంలో తాను అవంతిక పాత్రలో కనిపించబోతున్నాను. కాస్త ఓవర్‌ పాష్‌ పాత్ర అంతే తప్ప బోల్డ్‌ అయితే కాదు. స్మోకింగ్‌ చేసినంత మాత్రాన బోల్డ్‌ పాత్ర అంటే ఎలా అంటూ ప్రశ్నించింది. కాస్త రొటీన్‌కు భిన్నంగా ఈ చిత్రంలో నా పాత్ర ఉంటుంది. నాగార్జున గారితో నటించడం చాలా ఆనందాన్ని ఇచ్చింది. రాహుల్‌ రవీంద్రన్‌ ఈ చిత్రంను చాలా చక్కగా ఈతరం ప్రేక్షకుల అభిరుచికి చాలా దగ్గరగా తెరకెక్కించాడు. ఈ చిత్రం చూసిన తర్వాత నా పాత్ర గురించి ప్రేక్షకులకు క్లారిటీ వస్తుంది.
