లెజెండ్ చిత్రంతో విలన్ గా మారిన జగపతి బాబు..ఆ తర్వాత వరుస పెట్టి విలన్ గా క్యారెక్టర్ ఆర్టిస్ట్ వరుస సినిమాలు చేస్తున్నాడు. కేవలం తెలుగులోనే కాదు ఇతర భాషల్లోనూ నటిస్తూ బిజీ అయ్యాడు. గత కొంతకాలం గా ఏ మాత్రం రెస్ట్ లేకుండా వరుస సినిమాలు చేసిన జగ్గూభాయ్..ప్రస్తుతం గోవా లో ఉన్నాడు.
గోవాలో బిగ్ డాడీ కాసినోలో మిలియన్ డాలర్లును కొల్లగొట్టేందుకు సిద్ధమైపోయారు. ఇదే విషయాన్ని ట్విట్టర్ ద్వారా వెల్లడించారు. తన ఫొటోని ట్విట్టర్లో పోస్ట్ చేసి `నేను గోవా బిగ్ డాడీ కాసినోలో ఎంజాయ్ చేస్తున్నాను. నన్ను విష్ చేయండి` అని పోస్ట్ చేసి ఆసక్తి పెంచాడు. సమయం దొరికినప్పుడల్లా జగ్గూభాయ్ గోవా చెక్కేసి కాసినోలో పందాలు కాసేస్తుంటాడు. డబ్బులు వస్తుంటాయి పోతుంటాయి కానీ జగ్గూభాయ్ మాత్రం గోవా కాసినోకి వెళ్లడం మాత్రం మానడు. గతంలో జగపతిబాబు ఆర్థిక ఇబ్బందుల్లో చిక్కుకోవడానికి ఆ వ్యవసనమే కారణమని ఇప్పటికీ టాలీవుడ్లో కథలు కథలుగా చెప్పుకుంటుంటారు. కానీ జగపతి మాత్రం అలాంటిదేం లేదని కొట్టిపారిస్తుంటాడు.
