‘మజిలీ’ మరియు ‘ఓ బేబీ’ చిత్రాలతో బ్యాక్‌ టు బ్యాక్‌ తెలుగులో మంచి విజయాలను దక్కించుకున్న సమంత కొత్త సినిమాపై సినీ వర్గాల్లో ఎలాంటి చర్చ జరగడం లేదు. ఎందుకంటే ఇప్పటి వరకు ఆమె కొత్త సినిమాకు కమిట్‌ అవ్వలేదు. పలువురు దర్శకులు లేడీ ఓరియంటెడ్‌ స్క్రిప్ట్‌లతో ఆమె వద్దకు వెళ్తున్నారు. కొందరు కమర్షియల్‌ సినిమాల కోసం వెళ్తున్నారు. కాని ఆమె మాత్రం ఇంకా ఆచితూచి అడుగులు వేస్తూ వస్తుంది. తాజాగా ఈమె ఒక ప్రముఖ నిర్మాణ సంస్థలో సినిమా చేసినందుకు ఓకే చెప్పిందట.
ఈ విషయంపై ఆమె ఎలాంటి మరిన్ని విషయాలను బయటకు చెప్పడం లేదు. కాని ప్రస్తుతం స్క్రిప్ట్‌ వర్క్‌ జరుగుతుందనే విషయం మాత్రం తెలుస్తోంది. సమంత సన్నిహిత వర్గాలు ఈ సినిమా గురించి చాలా రహస్యంగా ఉంచుతున్నారు. సినీ వర్గాల వారికి కూడా తెలియకుండా జాగ్రత్త పడుతున్నారు. త్వరలోనే ఆ సినిమాకు సంబంధించిన పూర్తి వివరాలు వస్తాయని ఆమె అభిమానులు ఆశిస్తున్నారు. ఓబేబీ చిత్రం గురించి చాలా రహస్యంగా ఉంచారు. అలాగే తన తదుపరి చిత్రం విషయంలో కూడా సమంత సస్పెన్స్‌ను కొనసాగించే ఉద్దేశ్యంతో ఉన్నట్లుగా అనిపిస్తుంది.
