నందమూరి బాలకృష్ణ ‘ఎన్టీఆర్‌ కథానాయకుడు’ మరియు ‘ఎన్టీఆర్‌ మహానాయకుడు’ చిత్రాలు ఫ్లాప్‌ అవ్వడంతో తదుపరి చిత్రం విషయంలో కాస్త గ్యాప్‌ తీసుకున్నాడు. ఇదే సమయంలో ఎన్నికలు కూడా రావడంతో బాలయ్యబాబు తన తదుపరి చిత్రంకు ఏకంగా ఆరు నెలల సమయం తీసుకున్నాడు. తాజాగా బాలయ్య కొత్త సినిమా ప్రారంభం కాబోతుంది. ఆగస్టు 7వ తారీకున కేఎస్‌ రవికుమార్‌ దర్శకత్వంలో బాలయ్య హీరోగా సినిమా ప్రారంభం రాబోతుంది. ఈ సమయంలోనే సినిమా హీరోయిన్స్‌ గురించి మీడియాలో రకరకాలుగా వార్తలు వస్తున్నాయి.
విశ్వసనీయంగా అందుతున్న సమాచారం ప్రకారం బాలయ్యకు జోడీగా ఒక హీరోయిన్‌గా సోనాల్‌ చౌహాన్‌ను ఎంపిక చేయగా, మరో హీరోయిన్‌గా వేదికను ఎంపిక చేయడం జరిగింది. ఇక విలన్‌ పాత్రను నమితతో పోషింప జేయాలని భావిస్తున్నారు. అందుకు సంబంధించిన చర్చలు కూడా జరుగుతున్నాయి. సింహా చిత్రంతో బాలయ్యతో కలిసి నటించిన నమిత మళ్లీ ఇన్నాళ్లకు ఆయనతో కలిసి నటించేందుకు ఓకే చెప్పినట్లుగా సమాచారం అందుతోంది.
