టాలీవుడ్‌ జక్కన్న రాజమౌళి దర్శకత్వంలో తెరకెక్కుతున్న ‘ఆర్‌ఆర్‌ఆర్‌’ చిత్రం షూటింగ్‌ ఆశించిన స్థాయిలో ముందుకు సాగడం లేదు. కొన్ని కారణాల వల్ల సినిమా ఆలస్యం అవుతూ వస్తుంది. దాంతో ముందు నుండి చెబుతూ వస్తున్న జులై 30, 2020న ఈ చిత్రం వచ్చే దాఖలాలు కనిపించడం లేదు. ఖచ్చితంగా రెండు మూడు నెలల వరకు సినిమా ఆలస్యం అయ్యే అవకాశం ఉందని సినీ వర్గాల వారు అంటున్నారు. లేదంటే 2020 చివర్లో అయినా సినిమా విడుదల అయ్యే అవకాశం ఉందని అంటున్నారు. అయితే ఇప్పటి వరకు ఆ విషయమై చిత్ర యూనిట్‌ సభ్యుల నుండి ఎలాంటి క్లారిటీ అయితే రాలేదు.
‘ఆర్‌ఆర్‌ఆర్‌’ చిత్రం వాయిదా పడే అవకాశం ఉన్న కారణంగా ఆ డేట్‌కు ‘కేజీఎఫ్‌ 2’ చిత్రం వచ్చే అవకాశం ఉందని సినీ వర్గాల వారు అంటున్నారు. ప్రశాంత్‌ నిల్‌ దర్శకత్వంలో యష్‌ హీరోగా సంజయ్‌ దత్‌ విలన్‌గా నటిస్తున్న ఈ చిత్రంపై అంచనాలు పీక్స్‌లో ఉన్నాయి. అంచనాలకు తగ్గట్లుగా ఈ చిత్రం ఉంటుందని తాజాగా విడుదలైన దత్‌ ఫస్ట్‌లుక్‌ను బట్టి అర్థం అవుతుంది. దాదాపు 150 కోట్లతో తెరకెక్కుతున్న ఈ చిత్రంను జులై చివర్లో విడుదల చేయాలని భావిస్తున్నారు. ఆర్‌ఆర్‌ఆర్‌ మూవీ వాయిదా పడే అవకాశం ఉంది. అందుకే ఈ డేట్‌కు ఖరారు అయినట్లుగా తెలుస్తోంది.
