హీరో శర్వానంద్‌కు మెగా హీరోలతో మంచి స్నేహం ఉంది. ముఖ్యంగా రామ్‌ చరణ్‌తో శర్వాకు మంచి సన్నిహిత్యం ఉంది. సినిమాల్లోకి రాకముందు నుండి కూడా వీరిద్దరి మద్య సన్నిహిత్యం చాలానే ఉండేది. మెగా పరిచయాల కారనంగా శర్వానంద్‌ హీరోగా ఎంట్రీ ఇవ్వగలిగాడు అనేది కూడా కొందరి వాదన. ఇక శర్వానంద్‌ సినిమా వేడుకలకు మెగా హీరోలు అప్పుడప్పుడు కనిపిస్తూ ఉంటారు. ఆమద్య పడి పడి లేచే మనసు చిత్రం ఆడియో విడుదల కార్యక్రమంలో అల్లు అర్జున్‌ పాల్గొని చిత్ర యూనిట్‌ సభ్యులకు శుభాకాంక్షలు చెప్పాడు.
తాజాగా శర్వానంద్‌ ‘రణరంగం’ చిత్రంలో నటించాడు. సుధీర్‌ వర్మ దర్శకత్వంలో రూపొందిన ఈ చిత్రంను ఆగస్టు 15వ తారీకున ప్రేక్షకుల ముందుకు తీసుకు వచ్చేందుకు ఏర్పాట్లు చేస్తున్నారు. భారీ అంచనాలున్న ఈ చిత్రం ఆడియో విడుదల వేడుకను ఆగస్టు 4వ తారీకున కాకినాడలో నిర్వహించబోతున్నారు. అందుకోసం అల్లు అర్జున్‌ కాకినాడ వెళ్లబోతున్నాడు. అల్లు అర్జున్‌ ఇప్పటికే ఈ వేడుకలో పాల్గొనేందుకు ఓకే చెప్పాడు. ప్రస్తుతం త్రివిక్రమ్‌ దర్శకత్వంలో చిత్రంతో బిజీగా ఉన్న అల్లు అర్జున్‌ ఆ తర్వాత సుకుమార్‌ మరియు వేణు శ్రీరామ్‌ దర్శకత్వంలో కూడా నటించబోతున్నాడు.
